Attualità

L’ammistrazione penitenziaria d’Orléans nega l’agressione di Ghjuvan Andria Piccinini

A l’occasione d’una cunferenza di stampa marti scorsu, l’associu per i patriotti è sulidarità avianu dinunziatu l’agressione fisica à a prigiò d’Orléans di u militante incarceratu Ghjuvan Andria Piccinini. In una risposta trasmessa à u giurnale Corse Matin  l’amministrazione penitenziaria nega tutti l’argumenti messi in risaltu. Hè precisatu chì u prigiuneru ricusendu di sottumettesi à e prucedure abituale di reintegrazione di a so cellula, hà necessitatu l’intervenzione di l’Eris ch’ùn hà nisuna cunniscenza di i prufili di i prigiuneri.