Attualità

In un allocuzione d’una decina di minuti, u presidente di l’Esecutivu Gilles Simeoni, hà prisentatu i so auguri. In u cuntestu di l’evenimenti tragichi di u 23 di dicembre in Aiacciu, hà principiatu cù un umaggiu à Pierre-Louis Giorgi è chjamatu à una reazzione contr’à a viulenza chì sfracella a Corsica. Hà annunziatu chì l’assemblea di Corsica discuterà in principiu d’annata di i mezi à mette in ballu per custruì rampali contr’à e derive mafiose è per una sucietà demucratica. Hà cunclusu nant’à parulle di sperenza : « Chì u 2025 ci permetti d’avvià ci tutti inseme nant’à a strada di u campà felice. ».