Attualità

L'eletti naziunalisti occupanu a prefettura di Corsica

Una quarantina d'eletti di i trè gruppi naziunalisti à l’Assemblea di Corsica, Femu a Corsica, Core in Fronte è u PNC anu occupatu i lucali di u cunsigliu ecunomicu pè prutestà contr’à 'l'attitudine di u Statu' è l’ultimi 'rigali di u prefettu Lelarge'. Bandere  cù e scrizzione 'Populu Arritu' è 'Avà Basta' sò state appese. Hè a prima volta chì u muvimentu naziunalistu face unione dapoi l’elezzione di ghjugnu 2021. Un’azzione cumuna pè difende l’interessi di a Corsica è di u populu corsu è dì “basta” à u statu francese.

L’eletti dinunzianu a dumanda di revisione di u prefettu Lelarge pè u novu regulamentu internu di l’Assemblea di Corsica. Altre azzione simboliche sò previste secondu Jean Biancucci, l’elettu  di a maggiurità territuriale.