Attualità

A decisione di a cumissione europea pè mette prudutti di salameria corsa in u registru di l’IGP hè criticata da u sindicatu Salameria Corsa è da a camera d'agricultura di Cismonte. Secondu u presidente di a camera Joseph Colombani, u quaternu di cariche di l’IGP ùn tene à contu di l’origine geografica di u porcu. L’animale pò dunque esse statu allevatu fora di l’isula. In u 2013, a classificazione di i prudutti pruposta da a filiera isulana ùn hè micca stata ritenuta da l’INAO, Istitutu Naziunale di l’Origine è di a Qualità.