Attualità

L'inseme di a Corsica in vigilenza gialla per a neve

Per via di l’alerta gialla cuncernendu a neve a bassa altitudine a cullettività di Corsica hà annunziatu l’annulazione di parechji trasporti sculari per a ghjurnata di stu mercuri è forse dinù dumane in funzione di l’evuluzione di a situazione.

Da sapè dinù chi l’equipamenti sò ubligatorii per francà e foce di Vizzavona, Verghju, Verde, Sorba, Ascu è Ghisoni.  Nanzu di piglià a strada hè cunsigliatu di chjamà u PC Corti à u 04.95.46.17.12. U timpacciu hà fattu diguasti in Corsica ma per furturna senza gravità. Sta mane un scogliu hè cascatu nant’à e raglie, cumuna d’Omessa senza fà feriti. In quant’à i trasporti marittimi, trè traversate trà a Corsica è cuntinente sò state annullate da Corsica Linea.