Attualità

Legislative : i grandi cambiamenti

Si Laurent Marcangeli, Paul-André Colombani è Michel castellani conservanu à so sede di deputatu, u scrutinu di u secondu giru di lezzione legislative anticipate, punta novi dati in i campi pulitichi isulani. A disfatta di u deputatu Jean-Felix Aquaviva, prima disfatta di a maggiurità territuriale cù  a larga vittoria di François-Xavier Ceccoli, hè un picculu terramotu in u paisaghju puliticu induve a diritta si rifiata. 

I risultati d’ogni circuscrizzione

In Cismonte, prima circuscrizzione, Michel Castellani hè reelettu cun 64,33% contrà Jean-Michel Marchal (RN) 35,67%

In a seconda circuscrizzione, vittoria di François-Xavier Ceccoli cun 54,48% è disfatta di Jean-Felix Acquaviva chi ottene 45,52% di i voti

In Pumonte, prima circuscrizzione, Laurent Marcangeli hè reelettu cun 63,2% di voti, contr’à 36,8% per Ariana Quarena, candidata RN

In a seconda circuscrizzione pumuntica, Paul-André Colombani ottene 59,21% è batte François Filoni, capu di fila RN in Corsica, ch’un tutaliseghja chè 40,79%