Liberazione di Jacques Santoni

A ghjustizia hà decisu a liberazione di Jacques Santoni, fora di prigiò dapoi eri. U capu presuntu di u gruppu criminale di u Petit bar era incarceratu dapoi ghjennaghju ind’un’unità medicalizata di a prigiò di Fresnes. Jacques Santoni hè svantaghjatu per via di un accidente di mottò in u 2003. Hè messu in esame pè cumplicità di prova d’assassiniu da un gruppu urganizatu contr’à Guy Orsoni u 13 di settembre di u 2018 in Aiacciu è ind’un cartulare finanziariu cuncernendu l’attività presunte di u Petit bar. Per via di u so cuntrollu ghjudiziariu, Jacques Santoni ùn pò micca vultà in Pumonte.