Attualità

Liga 1, 2 è Naziunale

Eri sera a squadra di l’ACA hà persu in Liò 2 à 1 per u so grande ritornu in liga1. L’aiaccini anu realizatu una bella prestazione è un scontru seriu. Per a seconda ghjurnata chì si ghjucherà a dumenica 14 d’aostu à u campu di ghjocu François Coty, l’ACA riceverà a squadra di Lens.

U Sporting Club di Bastia per a seconda ghjurnata di u campiunatu di liga 2 si dispiazza in Niort. Senza Dumè Guidi suspesu i bastiacci volenu rassicurà i so sustenidori. Per quessa, un risultatu pusitivu s’impone. 

Allora chì i campiunati di naziunale s’avvicinanu i scontri di preparazione si pruseguenu. A squadra di Bastia s’hè imposta contr’à Furiani 1 à 0. Una vittoria essenziale à una settimana di a ripresa è a ricezzione di Puy. 

Sta sera u GFCA ghjoca un scontru amichevule contr’à a squadra di naziunale 3 di l’ACA.