Attualità

Disfatte di Bastia è Aiacciu

In liga 2 a squadra di u Sporting Club di Bastia hà persu eri sera in casa soia 2 à 1 contr’à Amiens. I bastiacci torna una volta ùn sò riesciuti à imponesi in casa soia realizendu un scontru senza voglia. A sola bona nutizia di a serata hè chi u Sporting Club di Bastia hè ufficialmente salvu dopu à u risultatu paru di Troyes contr’à Valenciennes è u scontru arrestatu in raggiò d’incidenti. Vennari prussimu i turchini si dispiazzanu in Pau nanzu di riceve à u Paris FC per l’ultimu scontru di a stagione in Furiani. A a classifica i bastiacci sò 14 imi cù 46 punti.

Disfatta dinù per a squadra di l’ACA 4 à 0 in Bordeaux. L’aiaccini ùn sò mai stati in rivalità è incapaci di reagì. A a classifica i ghjucadori d’Olivier Pantaloni sò 13simi cù 46 punti. Vennari prussimu riceveranu à Grenoble.