Liga 2 : l'ACA riceve à Caen

In u campiunatu di Francia di liga 2 a squadra di l’ACA riceve sta sera à Caen à u campu di ghjocu François Coty. L’aiaccini sò tredecesimi à a classifica cù 22 punti. In casu di vittoria, i ghjucadori di Olivier Pantaloni puderebbenu ritruvà a prima parte di a classifica. Ramintemu chì u ghjucadore Cyrille Bayala hè di ritornu in a squadra aiaccina. Hà firmatu eri un cuntrattu per un annu è mezu. A settimana scorsa, l’ACA avia ingaggiatu Florian Chabrolle. U mercatu d’invernu pare compiu per l’ACA in u sensu di e ghjunte. Nisun ghjucadore d’impurtanza hè di partenza.