Lotta contr'à a COVID : nove misure pè a Balagna

U prefettu di Cismonte, François Ravier, hà annunziatu nove misure pè a  Balagna: a maschera serà torna obligatoria in i carrughji è i lochi i più frequentati di San Fiurenzu, Calvi è L’Isula à a fine di sta settimana. A chjuditura di i caffè è risturanti si ferà à mezanotte. In i caffè è risturanti vuluntarii di ste cità, u pass sanitariu serà sperimentatu à parte da venneri matina. Pè u restu di u Cismonte, decisione puderebbenu esse pigliate pè stende ste misure à u grande Bastia, zona assai cuntaminata.