Attualità

Manifestazione d’urgentisti davant’à a merria d’Aiacciu

In greva dapoi dece ghjorni, l’urgentisti anu manifestatu sta mane dopu un cumitatu di pilutagiu induve anu custattatu un rinculu nant’à e so rivindicazione. Una delegazione hè stata ricevuta da u primu aghjuntu. I sindicati dicenu esse stati ascultati ma aspettanu oramai un ritornu di u merre chì hè dinù presidente di u cunsigliu di surveglianza di l’uspidale. I persunali mubilisati dinunzianu e so gattive cundizione di travagliu pudendu cumprumette a securità di i malati.