Attualità

Marie-Antoinette Maupertuis, Gilles Giovannangeli è Gilles Simeoni intesi à l’Assemblea Naziunale pè l’autonumia di a Corsica

I trè riprisentanti di l’Assemblea di Corsica sò stati ricevuti eri mane da Florent Boudié, presidente di a cumissione di e lege, è rappurtadore di u prugettu di riforma custituziunale pè un statutu d’autonumia di a Corsica. L’eletti corsi anu scontru dinù i deputati di sta cumissione, i riprisentanti di i gruppi pulitichi à l’Assemblea, è Françoise Gatel, ministra di l’Assestamentu di u territoriu di a Decentralisazione. U scopu era di fà pedagugia pè cunvince di a necessità di u prugettu di lege pè l’autonumia. U votu di stu prugettu si ferà in cumissione u 2 di ghjugnu è in seduta publica u 15. D’altrò, Florent Boudié hè aspettatu in Bastia è Aiacciu a settimana prossima.