Marlène Schiappa à u SDIS d'Aiacciu

Marlène Schiappa, ministra di a citadinanza, hè ghjunta oghje in Aiacciu pè visità u Serviziu d’incendiu è di succorsu di Pumonte. Hà vulsutu prumove l’impegnu citadinu ind’è i suldati di u focu è dilli a ricunniscenza di u guvernu. Frà altru, a ministra hà pussutu scopre u prugramma di i « minori di a securità civile », in i cullegi di u Taravu è di Vicu, pè sensibilizà i più giovani à a prutezzione di e pupulazione è educalli à i risichi maiò.