Attualità

Meridiunale : i porti di Corsica bluccati

A cumpagnia marittima Corsica Linea  hà annunziatu eri l’annulazione di tutte e so traversate versu a Corsica sin’à vennari siasi 18 traversate versu i sfarenti porti corsi.  I sindicati di i travagliadori corsi è a CFTC di Marseglia  dumandanu a cunclusione di un accordu tr’à a so cumpagnia è Corsica Linea per spartesi  a futura desserta  di i cinque porti dipoi Marseglia à parte da ghjennaghju  2021 per sette anni

Per via di u bloccu di u portu di Marseglia, certi magazini di Corsica si viotanu. À sente à Jean-Marie Maurizi, presidente di u sindicatu di i traspurtadori, stu bloccu face perde parechje millaie d’euri à a trentina di cumpagnie di trasportu presente in Corsica. Un risicu di perdita d’impieghi hè pussibule sì a situazione ùn s’acconcia da quì à a fine di a settimana. Eri, ci hè stata una reunione di crisa cù eletti, sindicati, traspurtadori è socioprufessiunali à a camera cunsulare di Bastia. Un pianu di pruvista di l’isula hè statu presentatu è trasmessu à a prefetta Josiane Chevalier.