Attualità

Dopu parechje settimane di blucame puliticu, u LR Michel Barnier, 73 anni, hè statu numinatu primu ministru da Emmanuel Macron. A so prima missione hè di furmà un guvernu capace di resiste à a censura parlamentare è mette un puntu finale à a più grave crisa pulitica di sti  cinquanta ultimi anni. In tantu, parechje organisazione, cume LFI, PCF di Pumonte, Ecologie, Inseme/A Manca/Ensemble, Générations è Ghjuventù di a Manca, chjamanu à una mubilisazione issu sabbatu u 7 di settembre à 10 ore davant’à a prefettura in Aiacciu. 

U novu lucatariu di Matignon, hè oramai aspettatu in l’isula, per dà seguita à u cartulare corsu.