Attualità

Morte accidentale d’una cagna à l’imbarcamentu di u campu d’aviazione di Calvi

Una cagna di razza “samoyède” d’ondeci mesi hè morta inticciata in a struttura di serviziu à bagaglii di l’aeroportu di Calvi. I fatti sò accaduti luni scorsu. A cagna chì duvia viaghjà in u carcagnolu di l’avviò hè morta à a seguita d’un incidente tecnicu mentre l’imbarcamentu. L’inseme di u persunale di l’aeroportu s’hè dettu assai affettatu d’issu tristu evenimentu è hà testimuniatu a so sulidarità à a pruprietaria di u corciu animale. Una petizione hè aperta per un trasportu di l’animali degnu è securisatu in l’avviò. U corpu di Brookie serà incineratu in Corsica è rapatriatu dopu in u Loiret. A so famiglia intende di depusità una lagnanza contr’à Air France.