Attualità

Era una persunalità di a resistenza durante a seconda guerra mundiale. Si n’hè andata à l'altru mondu à 98 anni. Ghjunta in u 1941 pè studià in Montpellier, s’impegnò prestu in l’azzione di resistenza. D’aprile 1944, hè stata depurtata à u campu di Ravensbruck, dopu à una denunziazione. Hà militatu pè u partitu cumunistu dopu a guerra, contr’à a froda eletturale è era una di e fundatrice è presidente di u cullettivu contr’à u razzismu Avà Basta. Noëlle Vincensini hè stata ufficiale di a Legione d’onore u 15 d’aprile di u 2016. Hà cuntatu a so depurtazione in u libru “Le morceau de sucre”. Hà creatu dinù a prima radio libera di Corsica “Radio Balbuzard”, à un epuca induve e radiu libere ùn eranu micca autorizate