Attualità

Morte di Jean-Marc Rodriguez, merre di Poghju di Venacu

U paese di Poghju di Venacu hà persu u so merre. Si n’hè andatu à l’altru mondu issu marti 13 di ghjennaghju à l’età di 74 anni di a seguita d’una longa malatia. Merre dipoi u 2014, avia succedutu à Jean-Baptiste Casanova, mortu qualchi mese dop’à a so elezzione. Jean-Marc Rodriguez era un militante naziunalistu storicu di A cuncolta naziunalista, nanzu di raghjunghje Corsica nazione, Corsica libera è oghje ghjornu Nazione. E so esequie seranu celebrate nù u so paese di u Poghju di Venacu issu venneri 16 di ghjennaghju à 2 ore di u dopu meziornu.