Attualità

Morte di Jean-Pierre Giordani, anzianu di u SCB, finalistu di a cuppa di Francia 1972

U ghjocu à pallò corsu è u core turchinu di u SCB pienghjenu à Jean-Pierre Giordani, 78 anni, cugnumatu Johnny cun affezzione da i soii. Si ne và à l’altru mondu una parte di a legenda di u Sporting Etoile Club Bastia, cun issu ghjucadore attalentatu, natu in Zalana, chì ferma, malgradu a disfatta, unu di l’eroi di a finale di u 1972 contr’à Marseglia. L’omu sapia spaventà e difese di l’altre squadre. Era dinù rinumatu pè a so vitezza tremenda, a so intelligenza di ghjocu, è e so trapassate. Fora di e so qualità spurtive, era cunnisciutu pè a so platina meridiunale, u so accentu canterinu è u so bell’umore.