Attualità

Claude Griscelli, tercanu di u mondu medicale, s'hè spintu

Uriginariu di Vezzani è di Cervioni, u prufessore Claude Griscelli s'hè spintu à l'età di 90 anni, à u Maroccu. U pediatru immunologu di rinomina internaziunale hà cunsacratu a so vita à curà i zitelli allesiti di carenze immunitarie severe. A so lascita scientifica è umana hè inestimevule. Claude Griscelli hè statu unuratu da u titulu di Grande uffizieru di a Legione d'onnore. Hè statu à l'iniziu di l'operazione sulidaria di e pezze gialle per migliurà u cutidianu di i zitelli uspitalizati. 

Claude Griscelli intratenia una leia fidele è affettiva cù a Corsica, in Cervioni, ma dinù in a piaghja di San Giulianu induv'ellu appreziava di gode stonde d'amicizia, in famiglia.