Attualità

A mubilisazione contr’à a carta sculare si prusegue

Sta mane, nove reunione nant’à a carta sculare si sò tenute in Bastia è in Aiacciu trà i riprisentanti sindicali è quelli di l’Educazione Naziunale. In Bastia, e neguziazione cù a direttrice di i servizii dipartimentali di l'Educazione naziunale ùn anu suddisfattu l'intersindicale, chì hà ricusatu à l'unanimità a carta sculare. Anu manifestatu a so scuntentezza cù una centinaia di parenti d'elevi. In stu cuntestu, parechi stabilimenti sculari sò bluccati. In Aiacciu dinù, i liceani manifesteghjanu contr’à a carta sculare. Secondu u retturatu, 28,71% di l’insignanti si mubiliseghjanu in u primu gradu è 6,51% in u secondu pè l’accademia sana.