Mubilizazione contr'à a riforma di u CAPES di corsu

A mubilizazione cresce in l’accademia contr’à a riforma di u CAPES di corsu, in particulare contr’à l’inversione di i cuefficenti: 8 pè e prove in lingua francese è 4 pè quelle in lingua corsa. I sindicati d'insignanti di u secondu gradu, l’attori assuciativi, i riprisentanti pulitichi, e ghjurie di u CAPES è di l’agregazione di lingua è cultura corsa anu mandatu un currieru à u ministeru di l’Educazione pè dinunzià sta riforma.