Voce Nustrale

Attualità

Corsica
5 di dicembre

Mubilizazione naziunale contr’à a riforma di e ritirate

Oghje, a mubilizazione naziunale contr’à a riforma di e ritirate tocca parechji settori prufessiunali di l’isula. In l’insignamentu primariu, 70% d'insignanti sò grevisti è 30% di u persunale di i camini di ferru di a Corsica facenu greva. E linee Aiacciu-Bastia è U Ponte à a Leccia-Calvi sò annullate per oghje. L’avucati sò in greva dinù in u quadru d’una ghjurnata “Ghjustizia morta”. In i trasporti marittimi, preavisi di greva sò stati dipusitati in e cumpagnie Meridiunale, Corsica Linea è i camalli anu fattu listessa. Tutte e linee sò annullate stu ghjornu. Pè i trasporti in avviò, una decina d'organizazione sindicale d'Air France anu chjamatu à a greva. U trafficu puderebbe esse perturbatu. A cumpagnia Air Corsica face sapè chì i voli sò mantenuti ma ritardi sò pussibuli.

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza