Mullizzu : reunione di crisa in Corti

Stu dopu meziornu, un’altra reunione hè prevista in Corti pè pruvà à truvà suluzione à a crisa di u mullizzu. Si ritruveranu a CDC, u SYVADEC, a prefettura di Corsica, l’intercumunalità è u cullettivu Valincu Lindu. Rammentemu chì e palle di mullizzu cuntinueghjanu à ammansassi in Corsica è u cullettivu Valincu Lindu lascia entre in u centru di Vighjanellu solu i camiò di u Sartinese-Valincu. D’altrò, in Capicorsu, u merre d’Ersa, Thomas Micheli, hà fattu bluccà u centru di riciculu di a so cumuna pè prutestà contr’à u dipositu di palle di mullizzu in stu locu.