Attualità

Naziunale 2 è 3

In naziunale 3 a squadra di u Gallia hà fattu un risultatu paru 2 à 2 contr’à Bourgoin cù un segnu cuncessu in fine di scontru ch’elli ammaestravanu. I luccianinchi sò tredecesimi cù 5 punti. 

U GFCA ottene u risultatu paru in Cassel in un scontru duminatu da l’avversariu. L’aiaccini à a classifica sò secondi cù 15 punti allora chì St Quentin à un puntu ghjucherà oghje. 

Oghje in naziunale 2 si ghjucherà u derby Borgu-Furiani. I burghisgiani chi so nant’à una bella dinamica ponu raghjunghje u trio di a classifica, allora chi i furianinchi s’elli vincenu si ponu classificà in a prima parte mezana.

In naziunale 3 dopu à un risultatu paru a settimana scorsa in Charleville u FC Balagna riceve a riserva pro di Amiens. 

U SCB dopu à un scontru solidu in Aubervilliers accoglie à Versailles.