Attualità

Noel Giordano s’impone in u so giardinu di Petralba

U currore di Castifau hà vintu sta dumenica l’Aturaghja prova regina di 45 chilometri di a Petralbinca. Un ottesima edizione urganizata da l’associu Ghjuventù Petralbinca è i so 280 benevulenti chi hà cunnisciutu un successu pupulare tremendu cù più di 1000 participanti iscritti nant’à e sfarente prove. A Petralbinca di 21 chilometri hè stata vinta da Lambert Santelli ind’è l’omi è Emmanuelle Moracchini ind’è e donne.  Flaviu Finidori s’hè impostu in a corsa A Castagna di 11 chilometri è Victoire Alzon hè vittoriosa di a prova feminile.