Attualità

Numerose vistighe di a Caravella Aiacciu-Nizza identificate

E ricerche in mare pè determinà e cause di u dramu chì avia fattu 95 morti in u 1968 anu permessu d'identificà numerose vistighe di u volu Aiacciu-Nizza, à 2000 metri di prufundura à u largu di Antibes. L'annunziu hè statu fattu eri da l'avucati di e famiglie di e vittime sempre in l'attesa di risposte.

Una prima instruzzione per umicidiu invuluntariu era stata cunclusa in 1973 da un 'non lieu'. L'inchiesta era stata rilanciata in 2012 per 'sustrazzione è appiattu di prove' è in 2018 a ghjustizia avia richiestu a fine di u secretu-difesa.