Attualità

Nutizie di ghjustizia

A a corte d’assise d’appellu di Cismonte, si prusegue u prucessu di Jean-Dominique Carboni, accusatu d’avè tombu à Karim Absi di ghjugnu 2017 in Carghjese. Eri, un amicu di l’accusatu hà ricunnisciutu una falsa testimunianza in leia cù una cunfessione di l’accusatu chì l’averebbe palisatu esse l’autore di l’assassiniu. U verdettu serà cunnisciutu dumane. 

Eri, u tribunale currezziunale di Bastia hà ghjudicatu in appellu l'affare di l'incendiu di u risturante le Globo, di settembre 2017. Trè accusati cumpariscenu in st’affare. In prima precura, sò stati cundannati à dui anni di prigiò. 

Raddi Akhazzane hè statu cundannatu in appellu à 5 anni di prigiò, frà quessi unu attempatu. Hè statu dichjaratu culpevule di trasporti di splusivi trà Marseglia è Pruprià. In prima precura, hè statu cundannatu à 8 anni. U ghjudicamentu serà cunnisciutu u 25 di ghjennaghju.