Ota: a pupulazione s'inframette à prò di un coppiu di ritirati

A pupulazione d’Ota s’hè mubilizata, eri mane, pè impedì EDF di taglià l’elettricità à un coppiu di ritirati, minacciati di spulsione. Stu coppiu avia custruitu un appartamentu sopr’à u so locu di travagliu ma un ghjudicamentu avia urdinatu, qualchì annu fà, a spulsione di i ritirati è a distruzzione di a so casa ghjudicata di custruzzione illegale. Eppuru, un accordu era statu trovu cù l’anziani prefetti Josiane Chevalier è Franck Robine. A prefettura di Corsica hà  quantunque urdinatu a spulsione di u coppiu, ma u merre di a cumuna è i paisani ci sò fermamenti opposti.