Voce Nustrale

Aiacciu, Bastia è Cholet
22 di ferraghju

Pallò : Liga 2 è Naziunale

Eri sera, l’ACA hà vintu contr’à Le Mans 2-0. Una vittoria chì li permette di cullà à a seconda piazza di a Liga 2. A l’incuntrariu, u GFCA hà campatu una gattiva serata contr’à Dunkerque cù una disfatta 0-2. A squadra si ritrova à 8 punti di ritardu da Quevilly, a prima squadra micca rileghevule. Bastia-Borgu hà fattu un risultatu paru 0-0 in Cholet. Ancu sì i so aversari anu ghjucatu à 10 durante più d’un ora, u FCBB ùn hà pussutu prufittanne. Infine, sta sera à 6 ore, u SCB ghjucherà contr’à Belfort in Furiani. Dopu u risultatu paru contr’à Sedan, i bastiacci deveranu vince nanz’à dui spiazzamenti difficiuli in Drancy è Sainte-Geneviève.

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza