Attualità

Pallò : prugramma di naziunale 2 è 3

In naziunale 2 gruppu D Furiani (terzu à a classifica) si dispiazza in Saint Quentin ultimu. I furianinchi volenu intratene l’infima sperenza di pudè accede à a naziunale, in casu di disfatta di Bourg Peronnas in Auxerre. 

In u gruppu C, u FC Borgu hè cundannatu à vince in Vir, squadra rileghevule. U scontru u più decisivu di a stagione per i burghisgiani.

In naziunale 3 gruppu A, Corti (5simu) riceve per l’ultimu scontru à dumiciliu à Beaucaire (7simu). I curtinesi  volenu compie in casa soia cù una vittoria per  pude pretende à a seconda piazza di u campiunatu. U Gallia si dispiazza in Montferrier è deve fà un ultimu sforzu dopu 

per cunfirmà e so duie ultime vittorie è assicurà u so mantenimentu.

In u gruppu H u FC Balagna in testa di a classifica si dispiazza in Saran. In casu di vittoria i balanini puderebbenu sta sera accede ufficialmente à a naziunale 2. 

Scontru capitale per u Sporting Club di Bastia, sempre in cerca di punti per assicurà u so mantinimenu,  chi accoglie à Vitry 

Infine, l’ACA (7simu) riceve à Ste Geneviève secondu di a classifica à quattru punti di a Balagna.