Attualità

Pallò : u bilanciu di a prima parte di campiunatu

A u termine di a prima parte di i campiunati di liga 2 è naziunale e squadre isulane facenu u so bilanciu. L’ACA hè campione d’autunnu  per a prima volta di a so storia. U sabbatu 8 di ghjennaghju l’ACA si dispiazza in Amiens.

U Sporting Club di Bastia  diciottesimu cù 20 punti  hà  un solu puntu di ritardu nant’à i dicesettesimi Valenciennes, Grenoble è Amiens.  U SCB hè l’ultima squadra corsa prisente in Cuppa di Francia riceverà à Clermont per e sedecesime di finale a dumenica 2 di ghjennaghju.   In campiunatu u sabbatu 8 di ghjennaghju i bastiacci riceveranu à Quevilly.

In naziunale Bastia Borgu hè ultimu cù 8 punti è hà un ritardu cunsequente  nant’à u primu micca rileghevule.  Per u presidente Antoine Emmanuelli a seconda parte di a stagione hè un novu campiunatu chi principia cù ogni puntu chi cunterà.  U ghjovi 13 di ghjennaghju i bastiacci burghisgiani si dispiazzanu in Bourg.