Attualità

Perpetuità richiesta à l’incontru di Christophe Guazzelli

In u prucessu in appellu di u doppiu assassiniu di Poretta, l’avucati generali anu richiestu da 8 anni di prigio à a reclusione criminale à perpetuità contr’à dece di l’accusati è nisun cundanna per l’ondecesima. A perpetuità hè stata richiesta per Christophe Guazzelli chi s’hè prisentatu durante u prucessu cum’è l’unicu architettu di stu doppiu assassiniu. 30 anni di reclusione sò stati richiesti à l’incontru di u so fratellu Richard è di Christophe Andreani, 28 anni per Ange-Marie Michelosi è 25 anni per Cathy Chatelain. A l’incontru di Jacques Mariani, sò stati richiesti 10 anni di reclusione è 5 anni d’interdizzione di sughjornu in Corsica. A corte d’assise s’appronta oramai à sente l’arringhe di l’avucati di a difesa. U verdettu serà prununziatu à u più tardi venneri prussimu.