Attualità

Premiu di l’Eccellenza Economica in STMG pè trè liceani isulani

Trè liceani isulani anu ricevutu u Premiu di l’Eccellenza Economica in STMG. Risultatu di a cullaburazione trà l'Ispezzione generale d'econumia è di gestione cù a Banca di Francia, u cuncorsu s’indirizzava à l’elevi di terminale STMG. I premiati sò Clélia Cavanna è Léa Calaux-Sturlesi di u liceu pulivalente di Balagna, Andréa Peroglio-Carus di u liceu Fesch. Sò stati premiati à u livellu accademicu. Clélia Cavanna s’hè qualificata pè a tappa naziunale. 10 altri candidati sò stati valurizati. L’elevi anu travagliatu nant’à l’intervenzione di u Statu nant’à l’econumia.