Primu giru di e territuriale

Dece liste in prisenza per u primu giru di e territuriale in Corsica induve 239 549 elettori sò chjamati à vutà. In Corsica a participazione hè stata di più di 50 per centu. 

Anu ottenu : Gilles Simeoni 29,19 %, Laurent Marcangeli 24,86%, Jean-Christophe Angelini 13,22%, Paul-Felix Benedetti 8,39%, Jean-Guy Talamoni 6,9%, Jean-Charles Orsucci 4,92%, François Filoni 4%, Agnès Simonpietri 3,75%, Michel Stefani 3,18%, Jean-Antoine Giacomi 0,59%.

I candidati anu sin’à dumane sera per u  depositu di e liste cù fusione pussibile. Laurent Marcangeli hà fattu sapè ch’ellu parterà solu à u secondu giru cù a listessa lista, Paul Felix Benedetti duverebbe parte anch’ellu sott’à a sola banniera di Core in Fronte. Si ne saperà sicuramente di più in e prussime ore cuncernendu a sorte di Jean Guy Talamoni è Jean Charles Orsucci.