Attualità

Prucessu di Bernard Squarcini è altri accusati : u rechisitoriu

U tribunale currezzunale di Parigi hà richiestu quattr’anni di prigiò attempati è 300 000 euri d’amenda contr’à Bernard Squarcini. L’anzianu direttore centrale di u rinsignamentu interiore francese hè testimone principale pè ondeci infrazzione, da u trafficu d’influenza passivu à a cumplicità di viulazione di u secretu prufessiunale, frà elle certe in leia cù l’affare di l’assassiniu d’Antoine Sollacaro. Pè i nove altri accusati, sò stati richiesti da quattru mesi à dui anni di prigiò è amende sin’à 100 000 euri secondu i casi. U ghjudicamentu serà cunnisciutu u 7 di marzu di u 2025.