Attualità

Prucessu di Poretta: a perpetuità per Christophe Guazzelli

Hè un verdettu spietatu ch’hè statu resu eri sera da a corte d’assise d’Ecchisi per u doppiu assassiniu di Bastia-Poretta induve Christophe Guazzelli hè statu cundannatu à a prigiò à perpetuità, assurtità di 22 anni di securità. U so fratellu Richard Guazzelli hè statu cundannatu ellu à 25 anni di reclusione criminale è 16 anni di securità, è Christophe Andreani 23 anni di prigiò è 13 anni di periodu di securità. Cume in u primu prucessu, sò cundanne pisive chì sò state prununziate à l’incontru di i prevenuti. L’avucatu di i fratelli Guazzelli dinunzia un verdettu puliticu è annunzia ch’ellu si pruvede in cassazione, cum’ellu serà u casu per numerosi altri accusati.