Attualità

Prucessu Email Diamant: u rechisitoriu

L’avucata generale hà richiestu 9 anni di prigiò à l’incontru di u prumutore immubiliariu  Antony Perrino pè “imbianchimentu in gruppu organisatu” è “associu di malfattori”, 750.000 euri d'amenda è un’interdizzione definitiva di gestì un’intrapresa. Dopu, 5 anni di prigiò, 750.000 euri d'amenda è un’interdizzione di gestì un’intrapresa durante dece anni à l’incontru di François-Xavier Susini. U rechisitoriu cuncernava dinù Jean-Laurent Susini, Hugo Azoulay, Franck Fellous è Jingwu Huang suspettati d’una participazione minore à i finanzamenti di u gruppu criminale Petit Bar. L’audienza si prusegue cù l’arringhe di l’avucati di a difesa chì devenu durà sin’à dumane.