Prucessu pè sviamentu di fondi publichi à u tribunale di Bastia

A u tribunale di Bastia, ci hè un prucessu pè dui affari di sviamentu o prova di sviamentu di fondi publichi. A procura hà dumandatu un annu di prigiò attempatu, 50.000 euri d'amenda è cinque anni d'ineligibilità contr’à Paul Giacobbi, anzianu presidente di l’Esecutivu. Ottu mesi attempati è 10 000 € d'amenda sò stati dumandati contr’à Thierry Gamba-Martini, anzianu direttore generale di i servizii. Sei mesi attempati è 10 000 € d'amenda contr’à Francis Pian, anzianu direttore di l’uffiziu di i trasporti. Infine, pè l’affare di a lucazione di u battellu Pélican, 200 000 € d'amenda sò stati dumandati contr’à a cumpagnia Meridiunale pè appiattu di sviamentu di fondi publichi. L’accusati sò testimoni principali pè un cartulare d’aiutu à i furragi in u 2015 è pè a lucazione di u battellu Pélican sempre in u 2015.  U ghjudicamentu serà resu u 26 di ghjennaghju.