Quattru anni di prigiò richiesti contr'à Joseph Castelli

Joseph Castelli anzianu senatore hè ghjudicatu da u tribunale currezziunale per curruzzione passiva è falzu.
Arnaud Viornery procurore di a Republica hà richiestu quattru anni di prigiò, frà elli unu attempatu, à l'incontru di Joseph Castelli.
In stu cartulare trè impresarii sò dinù ghjudicati. A procura hà richiestu sei mesi attempati è 60 000 euri d'amenda contr'à Charles Rugani, dui anni di prigiò è 200 000 euri contr'à Patrick Brandizi, infine un annu di prigiò è 25 000 contr'à Paul di Luna.  A decisione hè stata messa à deliberà à u primu di marzu prussimu.