Scunfinamentu: si pò viaghjà

Dumenica, u presidente Macron hà annunziatu a riapertura di e varderie, scole è cullegi u 22 di ghjugnu. Pè a Corsica, Gilles Simeoni dumanda una sessione strasurdinaria di l’Assemblea, stu venneri, pè fà cunnosce a decisione di a CDC. U presidente Macron hà fattu sapè dinù chì i trasporti internaziunali sò ripigliati pè i paesi europei, è à parte da u primu di lugliu seranu aperti à i paesi fora di u spaziu Schengen induve l’epidemia di coronavirus hè ammaestrata. L’idea di un passaportu sanitariu trà cuntinente è Corsica, difesa da Gilles Simeoni, pare abbandunata. U ministru di l’Internu li hà fattu sapè chì prove facultative anu da esse pruposte. Infine, u presidente di l’Esecutivu vole chì e mudalità d'urganizazione di a sicurizazione sanitaria è di a capacità à fà vene i turisti in l’isula sianu dibattute à l'Assemblea di Corsica, ma dinù cù i rispunsevuli corsi di a salute è di u mondu economicu è turisticu.