Ricerca di suluzione contr'à i prezzi di carburanti troppu cari in Corsica

Un raportu nant’à i carburanti hè statu aduttatu à a sessione di rientrata di l’Assemblea di Corsica. Si tratta d’identificà e cause di i prezzi più cari chè nant’à u cuntinente è truvà una suluzione pè falli calà. Per quessa, u gruppu di diritta d’opposizione, U Soffiu Novu, chì ùn hà participatu à u votu, hà dipusitatu un amendamentu pè dumandà l’intervenzione di l’Autorità di a Cuncurrenza. U scopu hè di truvà ciò chì cresce u prezzu di i carburanti  dapoi u dipositu petrulieru di Fos è micca solu dapoi a ghjunta di u carburante in l’isula.