Attualità

Riforma di e ritirate : greva à a raffineria di Fos-sur-Mer

Oghje è dumane, a greva contr’à a riforma di e ritirate hà ripigliatu in e raffinerie è centrale à a chjama di a CGT. In Fos-sur-Mer, in u stabilimentu chì appruvista a Corsica in petroliu, e spedizione sò piantate durante 24 ore. L’appruvistamentu di e stazione d’essenza ùn hè micca interrottu. D’altrò, a federazione naziunale di i sindicati marittimi CGT di i marinari di Corsica Linea, Méridionale, è Maritime hà chjamatu à una ghjurnata di greva u 31 di ghjennaghju pè difende i so diritti suciali minacciati, salvà u paviglione francese è manifestà contr’à a riforma di e ritirate.