Attualità

R1: u GFCA impone u so ritimu

In regiunale 1, un GFCA vincidore nant'à u campu di ghjocu di u FC Borgu (0/4) hà fattu una nova dimustrazione di a so forza è si stalla in testa di u campiunatu cun 8 punti d'avanzu nant'à Bocognanu, disfattu in Purtivechju (3/2). A Casinca chi conta dui scontri di ritardu hà vintu contr'à Afa (4/0) chi rincula à a classifica. U SVARR è Eccicca Suarella tramindui vincidori di Furiani (2/1) è Bastelicaccia (1/0) si mantenenu in e prime piazza.

In regiunale 2, Bunifaziu vincidore di a Costa Verde (2/0) ritrova i prime piazze di a classifica induve u Gallia Lucciana tene a testa davant'à a Balagna.