Attualità

Ballò: u FC Borgu cundannatu; u FC Balagna Campione

U FC Borgu hà persu u scontru ch'ell'un ci vulia micca contr'à u Racing (3/4) è lascia passà  a so ultima diccia di mantenesi in Naziunale 2. Furiani hà persu anch'ellu contr'à Fleury (0/1) è perde a seconda piazza, à u termine d'una stagione riesciuta. U FC Balagna ghjochera a stagione chi vene in Naziunale 2, grazia à a so vittoria contr'à Ivry (4/1) chi li permette d'esse campione di Naziunale 3.

Era l'ultima ghjurnata di cumpetizione per e squadre di Naziunale 3. Festivale offensivu per u Gallia Lucciana  chi hà vintu contr'à Ardziv (5/1); Corti hà persu in Montpellier (2/1), l'ACA hà vintu in Mainvilliers (0/1) è u SCB compie cù una disfatta in Sainte Genevieve (2/0).
Tutte e squadre corse si mantenenu è ritruveranu a stagione à vene, in sfarenti campiunati di N3.