Attualità

I risultati di Naziunale 2 è 3

Gattiva serata per u FC Borgu disfattu 2 à 0 in Dinan, cuncurrente direttu in a lotta à u mantenimentu. I Burghisgiani so più chè mai rileghevuli in u gruppu C di u campiunatu di naziunale 2.

Furiani marca u passu, cuncede in casa soia un scontru di parità contr'à Haguenau (0/0) è ferma secondu à a classifica di u gruppu D.

In naziunale 3, hè a fine di a seria vitturiosa per Corti battutu 2/0 in Marseglia ma i curtinesi fermanu secondi à la classifica di u gruppu A mentre chì u Gallia Lucciana hà tenutu testa à  Montpellier (3/3) è occupa a novesima piazza. In u gruppu  H, u  FC Balagna hà vintu in Bretigny 1-3 è prusegue à so corsa à u titulu à un puntu di Ste Genevieve, u SCB battutu in Mainvilliers (2/0) hè 9 imu è  l'ACA chi hà cuncessu in casa soia a parità à Saint Maur (1/1), si trova sestu.