Voce Nustrale

Attualità

Corsica
28 di ghjugnu

Risultati di u secondu giru di l'elezzione municipale

Pierre Savelli vincidore in Bastia, Jean-christophe Angelini chì vince in Purtivechju, i naziunalisti sò i grandi vincidori di u secondu giru di l'elezzione municipale. Pierre Savelli hà ottenutu 49.37% di i voti contr’à 39.73% per Jean Sébastien de Casalta è 10 ,90% per Julian Morganti. In Purtivechju Jean Christophe Angelini ottene 54,85% di i voti è Georges Mela 45,15%, una pagina di a pulitica di diritta hè compia.  Georges Mela hà decisu d’ùn fà micca parte di i cunsiglieri municipali.

 

In l'Isula Angèle Bastiani, candidata di manca sustenuta da i naziunalisti, mette un termine à u regnu di a diritta in a cità balanina. 

In Sartè a lista cundutta da l’attuale merre Paul Quilichini hè ghjunta in testa  cù 52,51% contr’à 27,08% per Nicolas Alaris.  In Figari a vittoria di u naziunalistu Jean Giuseppi è a so lista Cambià inseme mette un termine  à u regnu  di a diritta è  à a lascita Canarelli.  L’elettori di Figari sò firmati mubilizati cunfirmendu u risultatu di u primu. 

In Aleria Ange Fraticelli hà vintu l’elezzione cù 13 voci contr’à u so opponente Dominique Venturini ghjuntu in testa à u primu giru. St’ultimu hà decisu di dipusità un ricorsu.

In Zonza malgradu a fusione di Georges Fani è Antoine Carli ghjè u candidatu  Nicolas Cucchi chi vince l’elezzione.  In età di 48 anni  era membru di l’opposizione municipale dipoi sei anni.

 

Rivista di stampa

Senaturiale 2020

28 di settembre | Corsica

U corpu d'un spassighjadore scupertu

26 di sittembre | Ascu

Rientrata sulenna perturbata

25 di settembre | Corsica

Emmanuel Delannoy in cunferenza in Corti

25 di settembre | Corsica

Campiunatu di naziunale

25 di settembre | Corsica

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza