San Ghjisè : i fideli è i cunfraterni anu affruntatu l'interdizzione

Eri per a festa di a San Ghjisè i fideli è cunfraterni anu mantenutu a prucessiò di u santu in i carrughji di u quartieru à nome di a fede, è affruntatu l’interdizzione. L’inseme di u protocollu sanitariu hè statu rispettatu per permette di mantene a celebrazione di u patrone di a cità, ma i cunfraterni cume i fideli di San Ghjisè anu vulsutu unuralu cumu si deve, purtendulu in prucessiò. U prefettu di Cismonte, François Ravier hà fattu sapè ch’ellu cundannava u fattu, ch’ellu ghjudicheghja irrepunsevule. Tocca à a ghjustizia di prununciassi.