SCB-Quevilly: una bandera dumandendu a liberazione di Julien Muselli è Adrien Matarise piattata

Eri sera, à u campu di ghjocu di Furiani, a parolla “libertà” d’una bandera dumandendu a liberazione di Julien Muselli è Adrien Matarise hè stata sguassata nanzu a diffusione di u scontru SCB-Quevilly à a dumanda di delegati di a FFF. I dui giovani sò incarcerati in u quadru di un’inchiesta nant’à schelleri. Un attu per via di l’interdizzione di rivindicazione pulitiche ind’un campu di ghjocu, secondu a FFF, ma criticatu da sustenidori bastiacci.